Presentación.

-
Esta mañá iniciouse de maneira oficial o programa de Robótica Educativa que se desenvolverá durante este curso no noso centro. 

 O alumnado de 5ºB xa coñece a Superpondaliña, unha superheroína que busca mellorar a vida dos habitantes de Ponteceso. Para iso precisa da axuda destas nenas e destes nenos, que só lograrán superar os seus retos a través da robótica...


Aceptada a misión, o primeiro foi organizarse en grupos cooperativos e escoller que funcións desempeñaría cada membro do equipo, funcións rotatorias conforme se vaian desenvolvendo as diferentes sesións.



Seguidamente, presentouse a tablet na que se recollerán os avances a través das pegatinas que Superpondaliña enviará por cada proba superada. Para identificarse como grupo, escolleron un nome característico e deseñaron un logo para o seu equipo.


E isto foi o que sucedeu nesta primeira sesión. O vindeiro venres, aos nenos e nenas de 5ºB chegaralles a súa primeira misión. Cal será? Seguide o noso blog para descubrilo...

Comentarios

Publicar un comentario

Publicacións populares deste blog

Integración de sensores en maquetas.

-
Imaxe
Nesta nova sesión as nenas e nenos de 5ºB dedicáronlle tempo a integrar os sensores elixidos nas súas maquetas de Ponteceso. Primeiramente, aprenderon a subir as súas programacións a Arduino para que estas se gardasen nas placas-base dos robots. De seguido, extraeron a placa-base de cadanseu robot. A continuación, integraron as placas-base nas súas maquetas. Finalmente, comprobaron que as placas-bases se integraran perfectamente e os sensores funcionaban de xeito correcto.
Ler máis

Aproximación á programación.

-
Imaxe
Montados os robots, durante as seguintes sesións as nenas e nenos de 5ºB dedicáronse a clasificar tódalas ferramentas empregadas, así como as pezas e os sensores que proximamente empregarán. Feito isto, adentráronse no programa Makeblock co fin de iniciarse na programación.
Ler máis

Programación de sensores.

-
Imaxe
Nesta nova sesión as nenas e nenos de 5ºB dedicáronlle tempo á programación dos sensores que empregarán nos pasos de peóns que xa forman parte das súas maquetas de Ponteceso. Andrea, Claudia P. e Nicolás decantáronse polo sensor de límite e a pantalla led. Aarón, Alejandro e Aroa escolleron o sensor de proximidade e a pantalla led. Ainoa, José Ramón e Yeray elixiron o sensor de límite e o sensor de luz. Claudia U., Eloy, Hugo e Saray optaron polo sensor de límite e a pantalla led.
Ler máis